ég lenti í mjög skemmtilegu atviki í gær.

á akureyri, þegar maður er að keyra, þá athugar maður alltaf hvort maður þekki fólkið sem maður stoppar við hliðina á á ljósum og maður kíkir inní bíla sem keyra framhjá manni vegna þess að líkurnar eru auðvitað meiri en minni á að maður viti hver farþeginn eða ökumaðurinn er og geti jafnvel splæst veifi á liðið.

í reykjavík pæli ég ekki einu sinni í þessu. ég kannski lít inní næsta bíl til að athuga hvort þetta sé verðugur keppinautur í spyrnu (svöl) eða jafnvel bara augnayndi. líkurnar eru hverfandi á að maður þekki þann sem er í næsta bíl.

en í gær. þá gerðist hið nánast óhugsandi. ég keyrði við hliðina á bíl - sem ég var ekki mikið að pæla í - og rétt leit í áttina að honum.
viti menn! var það ekki bara heimir bje joð í farþegasætinu (ég sá ekki hver var að keyra). þetta fannst mér með eindæmum skemmtilegt.
þegar líkurnar eru litlar á að maður rekist á reykvíkíng sem maður þekkir á miklubrautinni, hversu ólíklegt er það þá að maður rekist á akureyríng í næsta bíl á miklubrautinni?
hahahaha. geðveikt.
já skemmtilegt.
já gaman.
mjög sniðugt.
undravert.
stórkostlegt.

takk fyrir.

ég hef ekki mikið meira að segja að svo stöddu. jú reyndar.

á morgun byrjar helgi letinnar. tveir sólarhringar í að flatmaga heima hjá mömmu gömlu. ekki það að hún sé gömul, maður tekur bara svona til orða sjáið til.
þetta á líka eftir að verða besti félagsskapur í heiminum.
ég hlakka ýkt krúttí lol mikið til omg. grín.

í kvöld fór ég á forsýníngu leikritsins "ég er ekki hommi".
umsögn: hahahahahahahahaha!

geðveikt fyndið sjó og g. helgason kom mér á óvart með breyttum karakter. það hefur verið við hann kennt, sjáið til, að skipta aldrei um karakter. þar gerði hann í kvöld. jájá alveg allavega soldið.
mér hefur nú samt alltaf fundist hann ágætlega fyndinn - en hvað finnst mér ekki fyndið? tjah, mér er spurn.
(ég veit samt alveg hellíng sem mér finnst ekki fyndið. jón gnarr er ekki eitt af því). hann og felli voru með bestu stundina okkar.
fó ríl.

nei já sýníngin var semsagt mjög fyndin. og það var ekkert bara ég sem hló. skilurðu.

okeyjbæjeðakegs.

ég týni öllu! ótrúlegt.
í gær þegar ég var að fara að sofa var ég með klósettpappírsrúllu hjá rúminu mínu af því að ég er með brjálæðislega sjúklega mikið kvef sem ég dey ábyggilega bráðum úr.
í dag þegar ég kom heim úr skólanum var klósettpappírsrúllan ekki þar lengur.
hvernig getur klósettpappírsrúlla horfið?
mig langar svo mikið að snýta mér. ég lýsi hér með eftir klósettpappírsrúllunni minni.


ég vil minna á að hér fyrir neðan er færsla með lýsingvalskfajæsdf. mjög áhugavert og skemmtilegt sjitt.

heyj! ég fann hana! haha jess. ok.

já ég er semsagt með ógeðslegasta hóstann sem vekur athygli hvert sem ég fer og ég er með viðurstyggilega mikið kvef namm nei og stokkbólgna eitla. þar að auki er ég með króníska þreytu - sama hve mikið ég sef.

já þetta var blogg kvartsins.

það hættir samt ekkert sko. það er í eðli mínu að kvarta.

núna eru á leiðinni alveg nokkrir línkar.
margeir feitidrengur er kominn með blogg.
lísa sniðugi bílabjóðari.
inga auðbjörg krullmundi á líka blogg.
hildur ploder ofurhreinskilna á líka blogg.
halldór há thug með meiru á líka blogg.

já fleiri. þetta kemur krakkar mínir. tsjilla. línkilínk eftir smá.

þetta er náttúrulega alveg sérstaklega skemmtilegur nári. hver hefur ekki hugsað "vá ég vildi að ég hefði séð skemmtilegri nára."
það sem ég hélt, enginn.

já many. margeir. haha.
okeyj bæj.

vá mér líður í alvöru ílla að yfirgefa bloggið mitt án hins sígilda orðs:

kegs.

jæja. þá er komið að því sem allir hafa beðið eftir með óþreyju:
lýsing á restinni af fólkinu á línkalistanum mínum. allavega "reykvískra-akureyrínga"-hlutanum. fyrir þá sem ekki fatta stendur það fyrir fólk sem er í raun akureyríngar, allavega í mínum augum, en hefur flust þaðan til reykjavíkur.

~reykvískir-akureyríngar~

bringunonni
eða jón heiðar túrbóson. nei grín. ég veit ekki hvað hann heitir fullu nafni en hann gengur undir mörgum gælunöfnum, þ.á.m. jón túrbó (af því hann er með túrbótyppi grín), bringunonni, heitapottsnonni, krulli o.s.frv.
ég man ekki hvar eða hvenær ég kynntist þessum sómadreng. jón er góður teitishaldari og hefur hann m.a. verið loðaður við feitasta heitapottsteiti á akureyri. uppúr því fékk ég líka gælunafnið heitapotts-steffa - sem ég er reyndar ekkert hottiepottie ánægð með, en maður getur ekki ráðið öllu.
johnny kann að fljúga og hann skuldar mér flug. hann gaf mér líka franskar um áramótin. það var geðveikt. takk jón.
first impression: sjúkt fyndinn og freðinn gaur.

gáfuðu krúttin
er gengi sem samanstendur af leyndum persónuleikum ákveðinna stúlka. á þessu bloggi brýst út brjálæðisleg gelgja sem segir omg og lol gjiðvegt oft og hefur bloggið heiti í samræmi við það. þessar stúlkur bera nöfnin:
bergþóra, björk, dagný, nína og steffý.
við sýnum hér sérlega frábæra hlið á okkur og við leggjum til að allar ungar meyjar fái sér eitt svona gelgjusprengjublogg. margar eru með svona nú þegar og reyndar ekki allar í gríni. en gegt lol.

heimir
bjé joð eins og hann kallar sig stundum heitir í raun heimir björnsson og er skáld sem rappar í hljómsveitinni skyttunum. heimir er maður með krullur miklar. hann heldur uppi áhugaverðu bloggi með sögum af sjálfum sér, vangaveltum um okkar guðs(?)voluðu tilveru og ljóðaframsetningu. homie er næs gaur (svöl að segja næs gaur) sem gerir grín að fólki í gipsi.
first impression: hahahaha. ekkert. hahahaha. einka. en eftir það: eitthvað svona smá feiminn gaur en mjög kúl áðí (svöl að segja kúl áðí).

hhelga
er geðveik. fyrra háið stendur fyrir hólmfríður, helga stendur fyrir helga og svo kemur sigurðardóttir. helga er rauðhærð og illa kúl áðí (svöl að segja kúl áðí). hún er sögubrjálæðíngur og arty farty gaur með maur fyrir gæludýr grín. hún leigir með þórunni, stóru systur akureyrskra vina okkar. hún er nýgengin í mh og feeeels it. grín. hún, andstætt mér, þolir ekki akureyri. sem er mesta vitleysa sem er til í heiminum.
first impression: man ekki vá svo langt síðan við kynntumst. eða þú veist. umm bara hyper manneskja sem gerði fátt annað (þátíð: gerði) en að slúðra um fólk. haha.

hlynur
íngólfsson eða hlynsi klikk, skyttumeðlimur og thug frá helvíti. akureyrskur fýr sem flutti til errvaffká í einhverjum asnalegum tilgangi. þrátt fyrir að búa á sama stað hittumst við aldrei nema á feitustu djömmunum á akureyri. hlynsi klikk er búinn að bjóða upp á alls konar skít í gegnum tíðina og einhvern daginn skal ég redda honum chick teiti, að eigin ósk.
first impression: man ekki. thugged out tsjillaður gaur sem tók upp eiginraddaráritun fyrir mömmu mína. skemmtilega flippaður.

korka
réttu nafni ragnheiður jónsdóttir, er kölluð korka af því að mamma hennar ætlaði að skíra hana melkorku en gerði það ekki og þegar korka var komin með ógeð af nafninu sínu tók hún upp korkunafnið. hún er víólusnillingur mikill og er ættuð úr svarfaðardal. mamma hennar var kynbomba í þröngum kjólum á sínum yngri árum, en korka er hippi. ég og korka skipulögðum rútuferð fyrir alla ma-inga á muse-tónleikana saman. feitt svalar (svöl að segja feitt svalar).
first impression: skrýtin stelpa!

mamma
það er ekkert hægt að lýsa mömmu sinni í einhverju svona rugli. mamma eignaðist barn mjög ung (mig) og skaddaðist illa af því (grín). hún er hress sem kegs, en ýmislegt hefur þó bjátað á hjá henni í gegnum tíðina. við fluttum saman til akureyrar fyrir tæpum fjórum árum síðan og þar slettist nú aðeins upp á vinskapinn hjá okkur mæðgum. við fluttum suður aftur núna í haust, í sitthvoru lagi þó; ég til pabba og hún með restinni af fjölskyldunni í kópavog. eftir að við komum til reykjavíkur þá höfum við náð ágætlega saman aftur. ef ég ætti að benda á ástæðu þess myndi ég líklega giska á að það væri vegna þess að við búum ekki lengur undir sama þaki. ég og móðir mín getum nefnilega auðvitað verið smá ósammála, eins og gengur og gerist hjá öllum mæðgum held ég. við erum báðar mjög þrjóskar og það getur því tekið smá tíma að flegsa móralinn (svöl að segja flegsa).
first impression: man það bara ekki. mjög kúl gaur auðvitað samt.

sigurlaug
sugarpool þórhallsdóttir. fyrrverandi ma-ingur, en þó ekki nema til eins árs. hún fór yfir í emmerr stúlkan sú arna. sigurlaug er mikið fyrir mat enda var hún metin inn í emmerr <- hahaha fyndið. jæja sugarpool skrifar líka afburðarljóð sem hægt er að nálgast á ljóð.is (linkur til hliðar).
first impression: busi með stór brjóst. noh.

ævar
þór benediktsson eða æbbi rebbi eins og hann er oft kallaður nei. ævar er einn af fyndnustu mönnum í heiminum. hann er upprennandi leikari og hefur þegar gert garðinn frægan í nokkrum emma leikritum. hann hefur hafið störf í þjóðleikshúsinu (ég held ég fari ekki með fleipur hér) sem leikmunavörður og er því nú þegar kominn inní bransann. góður ævar. ég og ævar áttum í smávægilegu stríði við sumarstörf okkar á hótel eddu. þar má nefna ævar að koma sér í gegnum þvottageymslugat til þess að bregða mér; ævar að láta eins og brjálaður morðingi hafi náð honum uppá háalofti (sem er lokað með stálhurð!); ég að laumast að ævari að klæða sig, þykjast blygðast mín, en draga þá upp vatnsbrúsann og sprauta á hann (feis) og fleiri prakkarastrik í líkingu við þessi. ævar er líka einn af mörgum mörgum mörgum mörgum (og svo framvegis) sem gert hafa grín að hlátri mínum og hláturmildi. auðvitað áttum við líka okkar vináttuaugnablik, færandi hvort öðru köku og svoleiðis.
thank you for ævar.
first impression: viðurstyggilega fyndni maður!


já ég nenni ekki að klára restina núna. ég er allavega búin með reykvísku akureyríngana.

takk fyrir þetta kegs.

gærdagurinn var skemmtilegasti dagurinn í reykjavík síðan akureyrardvöl mín stóð yfir.

oh hann var pottþétt að smsast við hana á meðan ég var að rífast við hann.

þetta var smá innskot. "hvað ætli hún eigi við með þessu?" er kannski spurningin sem brennur á vörum allra eftir þetta innskot. hún fær að brenna áfram því ekki verð ég sú sem upplýsir fjöldann hinu sanna.

hann hófst á vakningu heima hjá sunnu djé.
honum lauk með skemmtilegasta samtali í geðveikt langan tíma við skemmtilegustu manneskju í geðveikt langan tíma.

þess á milli fór ég á laugarveginn með mömmu. við fórum á laugarveginn á laugardegi haha. mamma keypti fyrir mig geðveika skó. moon boots. vá. geðveikt. ég skipti tveimur jólagjöfum í geðveikt rakakrem og goody tooshoos (ég veit ekki hvernig þetta er skrifað) andlitsmaska. að lokum keypti ég mér silfurlitað belti sem ég var svo ógeðslega vitlaus að fara ekki með í galateitið síðar þennan dag, einnig keypti ég klút sem ég fór með í galateitið síðar þennan dag, en við komum nánar að því síðar.
í laugarvegsferðinni fór ég á kofann með mömmu. við gerðum óspart grín að því að engin skil eru á milli reyk og reyklausra borða.

ég ætlaði að ljúka bæjarferðinni með heimsókn til veika frænda míns (á meðan mamma fór og sótti restina af fjölskyldunni í kringluna og keyrði þau heim svo að hún gæti komið aftur og sótt mig (við erum nefnilega fleiri en sætin í bílnum okkar)) sem lét það fallega í ljós í gegnum símann viljandi að hann væri veikur með því að anda hratt inn og út um nefið og gera þannig ógeðslegt horhljóð. oj bara. en ég heimsótti hann ekki vegna þess að þegar ég dinglaði bjöllunni hans virtist hann hafa annaðhvort beilað á heimadvöl sinni eða farið í slakandi bað, vegna þess að hann hleypti mér ekki inn.
ég vafraði því um búðir eins og hálfviti undir því yfirskini að vera að skoða tilvonandi eignir, en með þann tilgang í huga að halda mér á lífi með því að halda mig innan veggja gráðugra fatageymslanna. það var nefnilega svolítið kalt úti.

eftir smá stopp heima hjá mömmu og coooo. fór ég til bjögga og tsjillaði þar með kúlusúkk og kók. sem er geðveikt dót. kúlusúkk er nefnilega besta nammi í heiminum. og kók er vanabindandi þannig að það er gott ef maður er fyrir svoleiðis.

haha ég var að líta yfir skjáinn og ég sá orðinu "kúk" bregða fyrir en fattaði svo að það var bara afmyndun augna minna á orðinu "kúlusúkk" hahaha.

jáh. gaman. ég var næstum því lent í árekstri. það var fíbbl sem passaði ekki hvað það (fíbblið) var að gera. ég var að keyra áfram og gaurinn beint á móti mér var að fara að beygja til vinstri yfir mína akrein og pældi ekki í því að ath hvort einhver væri á ferð sem ætti meiri rétt en hann og svínaði feitast á mig og brá svo mikið þegar ég bíbbaði feitt á hann að hann bremsaði á miðri götu, beint fyrir framan mig, sem jók líkurnar á árekstri. heimskasta fíbbl í öllum heiminum.

ég skipti um föt og gerði mig fönkí fyrir galateitið. sem var reyndar ekki rétt að gera því gala á að vera fínt en ekki fönkí en ég gerði mig samt fönkí. fönkí president.
hver er fönkí presideeent? (sagt eins og amma segir við barnabarnið sitt "hver er sætastuuur?" og brosir feitast).
you aaaaare *klípíkinnarogbrosafeitastogkyssamússímússí*.

ég var samt svo vitlaus að sleppa helvítis flotta nýja beltinu mínu. en ömurlega vitlaust af mér. ömurlegt. ég vildi að ég hefði notað það í gær. þetta var fullkomið tækifæri til þess. en ég notaði nýja klútinn minn og ég var í nýju múnbútsunum mínum. asnalegt að bæta íslenskum greini fyrir aftan múnbúts.

það var mjög gaman í leikfélagsteitinu með gala og vasaljósaþemað.
ég og tumi skemmtum okkur sérstaklega vel. meðal annars við að strjúka strák sem dó inni í herbergi. hahhaha svo ældi hann líka hahaha. ég elska fólk að æla hahahaha. æliæl. hahaha. haha. hahahah.

en ég var líka kitluð mjög mikið. það er það ömurlegasta sem er hægt að gera. það er kannski fyndið að gera það við aðra. en ekki mig. hahah ömurlegt.
ég segi bara: tumi gumi með lumi. og líka ómar gómar (HAHAHAHAHAH ÉG HEF ALDREI FATTAÐ ÞETTA UPPNEFNI ÁÐUR HAHAHAHAHA HAHAHA) með lómar. ómar kitlaði mig samt ekki í gær. en hann hefur gert það. en bjöggi kitlaði mig líka í gær. vá af hverju eru allir að kitla mig!? HAHAHAHA ÓMAR GÓMAR HAHAHHAA.

já ég tjáði mig líka aðeins of mikið um góða kímnigáfu tveggja manna í emmhá sem eru mjög fyndnir. þeim fannst það ekki kúl. en svona er þetta krakkar mínir. nöfn? það er svolítill heiður að fá nafnið sitt talið upp á blogginu mínu sem fyndnustu menn emmhá (allavega meðal þeirra).
en samtímis er það mismunum. nöfnin verða því látin liggja milli hluta. þið vitið hverjir þið eruð.

eftir the tate horfði ég á ósí heima hjá palla. modest mouse thank you very much for this program. ósí er besti þátturinn ohhh yeeaaahhh.

kvöldið endaði á besta samtali í geðveikt langan tíma við bestu manneskju í geðveikt langan tíma - eins og áður kom fram. útaf þessu samtali og innihaldi þess og manneskjunni sem tók þátt í því með mér er ég í ógeðslega góðu skapi í dag. það eina sem mögulega gæti bætt skapið mitt væri að vera á akureyri. en samt er ég ógeðslega hress.
takk semí. og ég er hætt með skotin sko. þetta er bara gælunafn manstu.

vá þú ert svo mikil hetja ef þú last alla leið híngað. vá. hörkutól. hörkutól ársins 2005. allavega híngað til. kannski kemur önnur tilnefning til hörkutóls ársins 2005. hver veit.
haha eins og það sé maður sem heitir hver og hann viti hvort það verði önnur tilnefning til hörkutóls ársins 2005.

oh hörkutól.

dreifið ástinni <- vá kúl.

kegs.

dagurinn í dag var betri en þessir á undan.
-ég fékk geðveikt ánægjulegt símtal í skólanum í dag.
-ég fór í frönsku til sigríðar önnu.
-ég hló alveg eitthvað.
-ég átti nokkur uppbyggileg og skemmtileg samtöl.
-ég fann húfuna mína.

æji sjitt en ömurlegt. planið var semsagt að telja upp geðveikt mikið af skemmtilegum hlutum sem áttu sér stað í dag - það gekk ekki sem skyldi því það gerðist ekkert margt skemmtilegt. en ömurlegt af því að það að vita að ekkert skemmtilegt skyldi hafa átt sér stað dregur skapið alveg niður um einhver örfá stig sko.

ömurlegu hlutirnir í dag:
-ég vaknaði þreytt (tilbreyting nei).
-heyrnatólin mín eru biluð svo að aðeins hægra hlustdótið virkar.
-ég gat því ekki hlustað á the dark side of the moon eins og hann hljómar í raun.
-strætóbílstjórinn minn ásakaði mig um svindl og henti mér út.
-ég þurfti því að labba í skólann.
-ég kom því seint í fyrsta íslensku tímann minn.
-ég fékk því ess í kladdann.
-mætíngareinkunnin mín er því strags búin að lækka.
-ég fór í félagsfræði til björns bergssonar.
-björn bergsson dissaði skoðun mína og hóps míns á ákveðnu máli en einskis annars.
-ég uppgötvaði að enskukennarinn minn er ekki góður kennari þótt hann (kennarinn er samt kvenkyns, en samkvæmt íslenskri málfræði er rétt að segja hann í þessu tilviki þar sem kennarinn er karlkyns orð) sé hress.
-ég týndi húfunni minni.
-ég þarf að labba úti í kuldanum.

jákvæð - ávalt.

vitið þið hvað er líka ávalt? hringur.

mig langar að ásmundur enskukennari í ma kenni mér ensku. hann er svo frábær gaur að því verður varla fyllilega lýst nema með því að kynnast honum. hann hefur alla kosti góðs kennara og góðrar persónu að bera.
hann er geðveikt skemmtilegur og hress gaur. hann er hnyttinn. hann er gamall og krúttlegur. hann er með mikla reynslu að baki. hann kennir ótrúlega vel. hann kennir manni hluti sem reynast manni vel þótt þeir séu ekki á námsáætluninni. hann kennir hluti þannig að maður man þá. hann er skilningsríkur. hann lætur mann langa til að standa sig vel hjá honum því hann á aðeins skilið að nemendur hans skili fyrirmyndarárangri - hann er svo góður kennari.

ég hef áður tileinkað ásmundi færslu á þessari síðu. hann er bara yfirnáttúrulega frábær gaur og góður kennari.

sigríður anna fær svona bráðum. sigríður anna er alveg brjálæðislega frábær. en hún kemst samt ekki alveg með tærnar á sama stað og ásmundur er með sínar tær (ég orða þetta svona því að oft er sagt að einhver komist ekki með tærnar þar sem annar hefur hælana - þetta er semsagt til að leggja áherslu á að sigríður anna kemst langt í spor ásmundar, en fyllir þau ekki alveg. enda er hún kvenmaður og kvenmenn oftar en ekki með minni lappir en karlmenn <- haha brandari).

vá blogg alveg losar spennu og sjitt.

ykkur sem undanfarið hafið hlustað á vælið í mér (þið vitið hver(jar aðalega) þið eruð) vil ég þakka innilega fyrir sem og biðjast afsökunar á tilefnislausu kvarti og kveini.
ég bý allavega á íslandi, þar sem pöddur og glæpir eru í lágmarki miðað við önnur lönd (ekki hlutfallslega) og þar sem rauðhært fólk býr og brúnhært og gólftuskulithært sem hulið hefur litinn með dökkum eða ljósum lit.
takk fyrir að vera til fólk.

breiðnefur (öðru nafni semí) kannski sérstaklega eða?

já ég er að pæla í að fara kannski að reyna að lesa eitthvað smá á bókasafninu eða eitthvað þannig. ójá þið lásuð rétt. hin skipulagða, vinnusama stefanía hefur tekið yfir hina gömlu ömurlegu stefaníu sem ekkert nennti að læra eða skrifa niður hvað hún átti að læra.
núna er ég bara eitthvað jóóó læraaaa jeeaaahhh en kúúúl. þetta kemur til af því að ég á ekki vini og þarf einhvern veginn að finna eitthvað til að hafa fyrir stafni.

ég kveð með orðunum:
eitt sinn verður ávalt aldrei nema stundum sé.

ég er nokkuð viss um að hið árlega skammdegisþunglyndi sé á toppnum þessa stundina.
með þessa stundina á ég við meira en einn dag. og tvo. og þrjá.

en skemmtilegt ef maður væri endalaust lífsglaður einstaklíngur sem missti engin tár og hataði ekki lífið.

helvítis.

á einhver tilfinningarslökkvara?

ég sakna.

dagurinn í dag er einn ömurlegasti dagur sem ég hef upplifað. æj ég veit ekki. allavega er hann búinn að vera frekar leiðinlegur og erfiður.

hann hófst með því að ég svaf yfir flugið mitt. en ég var heppin; það var ófært - ennþá.
ég vaknaði korter yfir tólf, panikaði því ég hefði þurft að vakna átta, opnaði essemmess frá flugfélaginu og sá að ég átti að mæta korter yfir eitt.
heppin.

þegar ég kom á flugvöllinn, korter yfir eitt, blasti við mér röð út á götu. við tók bið í fjögurtíuogfimm mínútur í röðinni úti þar til ég komst loksins inn í röðina þar. í þeirri röð beið ég í þrjátíu mínútur og var þá loks komin fremst. þegar ég var næst kallaði afgreiðslukonan:
"allir sem áttu bókað með 17:55 fluginu í gær, koma núna!"
ég ætlaði ekki að trúa mínum eigin eyrum! fyrir mig þýddi þetta að fimmtán manns fóru fyrir framan mig! ég beið því í fimmtán mínútur í viðbót.
einn og hálfur tími af bið hingað til.
ég fékk loksins afgreiðslu og spurði flugþjóninn hvort hann ætti gluggasæti. hann svaraði því til að ég gæti fengið gluggasæti. ég gekk á brott með brottfararspjaldið og þegar ég leit á það stóð "sæti 3B". en ógeðslega ömurlega illa gert af þessum manni að segja við mig, eftir eins og hálfs klukkutíma bið, að ég gæti fengið gluggasæti, en láta mig fá gangssæti.
ég nennti ekki að gera vesen útaf þessu og vonaðist bara til þess að lenda við hliðina á indælli manneskju sem væri til í að skipta um sæti við mig.
eftir þetta beið ég brottfararsalnum í svona korter eftir því að kallað væri í flugvélina. í flugvélinni tók kona, sem var nokkurn veginn fremst í röðinni, sér svona fimm mínútur í að koma sér og barninu sínu fyrir og stíflaði þannig gangveginn. sem betur fer var ég framarlega svo að ég var allavega komin inn í flugvélina þegar röðin hætti að hreyfast úr stað vegna konunnar.
það var indæl manneskja við hliðina á mér sem leyfði mér að sitja við gluggann.
ég svaf mestmegnis út alla flugferðina á milli þess sem ég hóstaði úr mér lungunum, fékk mér einn tebolla og vaknaði við óp vegna ókyrrðar í lofti.
ég var komin heim klukkan hálffimm.

síðan ég kom heim er ég búin að hugsa um akureyri.
mig langar að vera þarna.
í rauða húsinu.
með yfirleitt skítuga en nú nýþrifna gólfið.
með skrítna rafmagnið.
með erfiða hurðarhúninn.
með kalda baðherbergisgólfið.
í rúminu sem kostaði hundrað kall.
með eggjabakkadýnuna sem kostaði fimm þúsundkall.

með rauða sem elskar magakossa.

tár.

ég verð fyndin síðar. ég er ekki í stuði.

jæja krakkar mínir.

svo virðist sem draumur minn um framlengda akureyrardvöl ætli að rætast. ég er nefnilega veðurteppt á akureyri.
ég elska akureyri og það er geðveikt að ég sé veðurteppt. meiri tími með semífólki (skot).

ég fór inná annað emmessenn en mitt áðan. og fór illa með manneskjuna sem átti það. eða allvega svona semí ílla. en ekkert sem ekki er hægt að bæta með svona fjórum orðum. -> þetta var steffý áðan.

ég hef séð mynd af typpi. hahahahahahaa.
tala ég of mikið undir rós? hahahahahaha.
afrískur halanegri.
(umm ekki eitthvað þú veist æji bla ég gæti alveg sagt grænn marsbúi eða íslenskur aríi með gólftuskulitað hár - en það er ekki jafn fyndið af því það var ekki sagt á augnablikinu sem var svona ógeðslega fyndið. þessi svigi er semsagt til að koma því á hreint að engin kynþáttamismunun eða -fyrirlitning er falin í umtali mínu um afrískan halanegra).

ég þoli ekki sofandi fólk. ég er upptekin manneskja sem þarf að fara í brynju og sitthvað fleira. ég hef ekki tíma fyrir svona felixa.

felixa er nýja orðið yfir vitleysínga. reyndar frekar feligsa.

núna ætla ég að hafa vakníngu.

kegs.

já nína er komin með nýtt blogg sem hefur núll færslur að geyma hingað til.
það verður með öðru sniði.
en síðasta færslan hennar nínu er töffaraleg eins og hún sjálf svo ég ætla að leyfa þessum línk að standa nokkur augnablik í viðbót. en bæta hinum samt við. þótt það sé ekkert á þeirri síðu.

ég er ógeðslega glöð og mér líður ógeðslega vel. en ég kvíði ógeðslega mikið fyrir því að fara aftur suður. þar taka skyldur hversdagsleikans við aftur.
engin leti lengur. engir dagar sem innihalda enga hreyfingu nema að snúa sér yfir á hina hliðina eða til að skipta um disk. engin brynja. enginn ómar. engin björk. engin dagný.
ég ætlaði að halda þessari fólksupptalningu áfram en ég hætti við vegna þess að ég yrði svo lengi að því. svo fer það stundum þannig að ákveðnar persónur eru manni efst í huga eina sekúndu og maður gleymir að nefna hinar - en það þýðir samt ekki að manni þyki neitt minna vænt um þær manneskjur - þær gætu samt tekið því vitlaust. en kannski ég geri það samt.
engin inga. enginn guðjón. enginn stefán. enginn stefán. engin nína. enginn margeir. enginn arnar og ari. engin hildur. engin anna og enginn jón. enginn reginn. enginn sverrir. engin rakel og aníta. engin lísa. enginn logi. enginn kristján og skúli.

já þetta er svo sannarlega ömurlegt sakn.

ég lenti næstum því í árekstri í gær. ég var ekki að keyra. þetta var fyndið og þessu fylgdi ógeðslega fyndinn aulabrandari frá ógeðslega fyndnum manni.

jæja ég ætla að fara að leggjast meira. mig langar samt svo ógeðslega mikið í súkkulaði að mig langar ekki til að leggjast - mig langar til að labba uppí tíuellefu og kaupa nýja kúlusúkkið sem er svo gott að það slær öllu súkkulaði (sem er besta nammið) út í góðheitum.

en bæjóóó oh yeah. grín.

kegs.

jæja krakkar mínir. árið tvöþúsundogfimm er gengið í garð.

ég er sko á akureyri. þar sem allt verður bráðum undir vatni. -> vatnaeyri. nei grín.

það er búið að vera geðveikt gaman á akureyri. ohh yeeahhh akureyri rokkar feeeiiiittt. ohh yeeahhh. grín. það er sko gjiðvegt skemmtilegt að segja ohh yeah.

það var svo gaman í gær. í gær var gamlársdagur. í dag er nýársdagur. ég er búin að taka svo margar myndir það er gjiðvegt ég hlakka gjiðvegt til að framkalla þær.

hey takk fyrir kvöldir sætu akureyríngar. djömmum feeiiiiitt. grín. ókeyj bæj.